最近...改變
2009年10月25日

多謝同事不繼提醒我塊面要快d搞搞佢!叫我日日飲苦瓜汁!
飲鬼飲馬咩,邊有人咁有錢日日買苦瓜,邊有人日日幫你榨汁!不過多得佢提醒!
終於係超巿入左苦瓜茶!幾好架,一日三杯,包你第日暢通無阻,當然一向都無哩個問題!

學同事咁講,搽野落面根本係止標唔止本,話我一定係內心泌有問題,成日玩我,緊係出事啦,講笑!
除外一向都都有入開既表面野!係我9月中食完餐大野之後,我決定以下既野係唔食架!
蝦,蟹,牛,鴨,鵝哩d都少食為妙!(其實我一年前都講過都禁,但之後無左件事)
當然哩d都係事再人為,好似上星期打邊爐就咁破左禁,食左牛,但無計啦,食唔食都要比錢!

除外,食上面有野要禁外,運動當然唔少得,又係一年前講過要練好d身型,但當然最後又放棄左!
不過,今天係玩認真,每星期都要走下三十分鐘運動!除外可以多d吸收大自動既氣息,仲可以洗洗心靈!
但唔知點解,月跑月諗埋一邊,又話做運動有益身心,但好似搞到我諗多左??

無論點,希望以上三個重點可以努力落去!

粉紅炸彈
2009年10月17日

事源本周初收到電話,話星期六出黎食飯,順便派炸彈!
OK啦!一心當著係普通飯局出現,但過程真係一拆三波!
搞手原來只負責約人,但唔會出席,OH!(雖然我以前試過,我宜家係知感覺too bad!
有d又話屋企人生日,去飲,唔舒服!係完全唔知有邊個出席既情況,我地都約左六個人出黎!
到左旺角,同波仔企左半個鐘!到左八點,差唔多都到齊,遲到既都如常遲到!
去左福苑打邊爐!無法,明明話要禁牛肉,海鮮(除魚) , 但唔食哩d根本無得食!所以食左先講!
hea下hea食左個幾鐘,朴終於黎啦!再叫野,第二波!唔錯!

ps:公喜哂龍哥!

不甘心,從來不甘心
2009年9月28日

事源某事件東昌事發!唔知係咪某某宜家無野做,成日係到搞風搞雨!
明明平時都係咁做架啦!都好地地,前幾個月無數,突然之間又要出咁多,係人都會查既!
比人媽叉後,工作又開始有所調動,但本人既工作無受影響,無奈!無條件可以攤出來講數!

案發後,老薑當然唔會就咁放棄,二話不說係其他大粒面前,同會計小姐反映!(馬上加分)
及後早上,馬上又向其他上司出手!成功說服女上司!條件以一單換一單~講明大家搞清楚先交接!
唉,邊有講得咁好呀!想當年(三月)話放手放手,教左一單簡單既就算!問都無問搞唔搞得掂!
出左事,就事事旦旦咁話唔記得左講!真係,仲話做過警察,你去食蕉啦!咁唔負責任!  

食蕉事件 :
1.有記時間同無計時間無分別,因為根本唔會扣!(所以最終做成個個遲到既習慣)
---但被反朴話夜晚OT點計!無野講,咁比老世話時,又唔講哩句野,都ON既!
2.某某突然話唔想我做得咁辛苦?拉卡既出現等於廢, 致標唔致本!人咪一樣遲到!
3.自己野自己做,根本唔係人講既野,唔好比我追番以前D時間,正人粉人!

笑死我
2009年9月26日

  
BY INTERNET

10:30 -開幕禮
10:31-跑呀,衝呀!香港人努力咁衝住去心目中既目標

第一站 :馳車天地
見到阿miu,見到先醒起佢係到做!kaka~
係咁加油!一嘗開快車既感覺!但因為有軌路,成日都唔太順!
玩完發覺,睇黎下個目標奇望唔好太高!再同miu講再見又向下站出發!

第二站 :太空飛碟
唔知係咪岩岩開學,學生哥係暑假玩到飽哂!
今日入場人數唔算多!所以都唔駛等咁耐!哩個完全無難度!

第三站 : 巴斯光年星際歷險
個樂園不得不說真係有點兒那個細!
但睇黎我都係輕敵左!搵哩間野都行左幾個圈!又無大banner~
嘩!有冷氣既地方真係好!加上又有得坐係到玩,爽呀!
但比像中差左少少!按極都好像唔中咁!如果真係激光槍,你話幾好!講笑~

第四站 :小熊維尼歷險之旅
出面真係好熱!都唔明邊個話一定要今天黎!
見小熊維尼唔多人,又話有得聽故書,就入左去,點知..........
完全唔知發生咩事!完全唔明係到講咩!可以話係作圖想故事!

第五站 :小小世界
同維尼玩法差唔多!都係係軌道行黎行去!不過今次係係水度!
如果可以自己行,一路慢慢睇各國風情!一路慢慢欣賞"世界真細小"!
宜家搞到好似趕時間咁!唔怪得登船前一水個細路會搖哂頭啦,我明白哂!

第六站 :米奇幻想曲

行經木馬同小飛象時見到哩個幻想曲仲有五分鐘就開演!
所以立即入場啦!但入到去等左十分鐘先場!好彩有fan同瓦傘頭,唔係會死!
準3D既探險電影,可以有味覺,感觀一身既電影!比8.5分呀!完全入哂戲!
我宜家係發覺個3D眼鏡都有用處既!^3^

第七站 :探險世界

 
森林河流之旅,導遊哥哥好搞笑!話果十五分鐘既船程有成兩個鐘!
又話自己一日要游歷六十次(PS:因為要快,所以左普通話果到)D普通話又係幾普通!
泰山樹屋-點解無見到泰山!
地圖活動之一既 : 歷奇噴水池,又真係大到無倫,無野講!

第八站 : 碧林餐廳

 
最低消費已經去到$48,為左填飽個肚同等"獅子王慶典"開場!
是是但但買左個飯食算啦!無再行去其他餐廳睇有咩食!
因為一路行,有途人話D野食又貴又唔好食!我認命,錢係要比佢吸,鬼叫佢係吸血鬼咩!

第九站 : 獅子王慶典
唔知係咪少場!好多人都黎左哩個場睇表演!
唔錯!不過我已經唔係好記得獅子王既事講咩架啦!
PS:完場後見到出面D SALE個個都無咩精神咁(係好多COUNTER D 職員都係)

第十站:小飛象旋轉木馬/木馬
無咩感覺!玩木馬時見到年長一輩無精打咁坐左係上面!
可能係因為哩到d野玩時間好短!玩左陣又打停啦(d職員又係日用咪叫人點叫人點)
不過哩個都係可以係一日玩哂個樂園既point(可能今次人少影響)

第十一站 :幻想世界火車站
今天所有野都黎得好順暢,行去邊果到都唔駛等!
上到車先知,因為3:30pm有表演,所以未會單程番小鎮大街(心諗虧本)
點知火車真係火車,雖然係半開放設計!但樂園設施都比樹cover哂!
所以半程都只係見到一排樹!無野講~

第十二站 : 美國小鎮大街

坐完無聊透頂既火車後,實在太熱啦!入左去動畫藝術館!
3:30 巡遊表演!個個都出哂汗,特別係表演者,咁熱都笑住黎表演!

第十三站 :米奇金獎音樂劇/幸會x迪仔
為左睇音樂劇,先去左X迪仔~又係普通話!
等左兩個字,入面原來好細架!之後比人抽中左,我覺得好似比人玩咁!
不過哩個活動都唔錯,同現場觀眾有交流!GD
音樂劇都唔錯!(迪士尼搞得最好既都係哩D舞台劇!

第十四站 : 夢想世界
SWEET!SWEET~雖然只係同左四個影,但貴精不貴多!

第十五站 : 最美的煙花

未試過坐係地睇煙花!未見過大家咁合作,靜靜咁坐係到等!
未試過親眼睇煙花!
未試過由覺得唔扺變成覺得滿意!

加油呀,迪士尼,因為你可以搞多D野玩!